ღრძილებიდან სისხლდენა ხშირად პაციენტების მხრიდან იგნორირებულია, რამაც შეიძლება მძიმე შედეგებამდე მიგვიყვანოს. პაროდონტის ანთებითი დაავადებების (გინგივიტი და პაროდონტიტი) განვითარება ღრძილებიდან იწყება და ის მოიცავს კბილის ირგვლივ არსებულ ყველა ქსოვილს. გინგივიტის დროს შეიძლება შენიშნოთ მხოლოდ ღრძილების მსუბუქი შეწითლება, მცირე სისხლდენა და უსიამოვნო გემო. ეს ეტაპი უმტკივნეულოდ მიმდინარეობს, მაგრამ, სწორედ ესაა პაროდონტის დაავადების განვითარების პირველი საფეხური და მხოლოდ ამ სტადიაშია პროცესი შექცევადი – შესაძლებელია სრული განკურნებაა სათანადო მკურნალობის გარეშე გინგივიტი გადაიზრდება პაროდონტიტში – როცა ანთებითი პროცესი უკვე ძვალზეა გავრცელებული. პროცესის აგრესიული მიმდინარეობის შეჩერება მკურნალობითაა შესაძლებელი, თუმცა ეს მუდმივ მეთვალყურეობას საჭიროებს, რათა არ განახლდეს და გაგრძელდეს პროცესი. მკურნალობის გარეშე პაროდონტის ანთებითი დაავადების გვიანდელ სტადიაზე კბილები იმდენად ირყევა, რომ მათი შენარჩუნება შეუძლებელი ხდება და შედეგად ხშირად სრულიად ჯანსაღი კბილები იკარგება.